Ufitziu

Sa fueddada de Siddi est una sutabariedadi (it.“sub varietà”) de su Sardu campidanesu. Su siddesu est mramiddesu schetu e is linguistas ddi nant «Campidanesu de Scurigadroxu» (it.“occidentale”). Custa fueddada est spainada de Assèmini (Campidanu de Casteddu) finsas a Aristanis (Campidanu de Aristanis).

Labai imoi unas cantu caraterìstigas pruscatotu fonèticas de sa fueddada siddesa ma finsas de su mramiddesu e totu:

· Sa metàtesi de sa “R”. Sa posidura de sa “R” aintru de fueddu, in totu sa Mramidda e in Siddi puru no est sa pròpiu che in is atras fueddadas campidanesas. Esempru: sroga antzis de sorga; Mramidda antzis de Marmidda.

· Sa –L- intra de boxalis chi benit pronuntziada casi che a una [β]. Esempru: [mεβa] antzis de mela o puru [sóβi] antzis de soli.

· Nasalisadura de sa –N-. Esempru: [mãu] antzis de manu.

· Arruidura de is cunsonus oclusivus. Esempru: [sa ‘idda] antzis de sa bidda.

Po ndi ndi ciri de prus (Bibliografia):

· Blasco Ferrer Eduardo; Ello/Ellus; Poliedro;

· Blasco Ferrer Eduardo; Linguistica sarda; Condaghes;

· Puddu Mario; Istoria de sa limba sarda; Domus de janas;

· Virdis Maurizio; Fonetica del dialetto sardo campidanese; Ed. Della Torre;

· Wagner. M.L.; La lingua sarda; Ilisso.

Massimo Madrigale su Dotori.

(Labai chi is librus sinnaus in grussu ddus agatais me in sa Biblioteca de Siddi puru, ca su Comunu ddus at comporaus cun su dinai de sa L. 482/1999).