In su 2008, su Comunu de Siddi at apariciau su primu cursu de formadura sperimentali in lìngua Sarda po is obradoris de sa lìngua de minoria. Is cursus de formadura in Sardu, impari a su portalitu, funt is ainas de importu prus mannu po strantaxai una polìtiga linguìstiga de afortiamentu de sa lìngua nosta. A-i custu cursu puru dd’eus apariciau cun su dinai de sa lei de su Stadu nr. 482 de su 1999.

Is cursus serbint, duncas, po donai a is impreaus de su Comunu sa possibilidadi de imparai a scriri in Sardu e po imparai a arriciri in Sardu s’utèntzia sardofona. Ma a is cursus podit pigai parti finsas sa genti de sa bidda chi mancai bolit amellorai s’imperu de su Sardu cosa sua o puru chi bolit imparai a scriri in Sardu o finsas po s’acostai po sa primu borta a sa lìngua nosta.

Su Comunu de Siddi est pensendi de torrai a apariciai su cursu finsas po su 2009.

Massimo Madrigale su Dotori