«Portalitu» est fueddu sardu sintzillu chi in italianu podit essi tradùsiu cun su fueddu “sportello”. Su portalitu de sa lìngua Sarda, aintru de s’Ufìtziu matessi, est un’aina stravanada po afortiai e promovi s’imperu de su Sardu aintru de s’aministratzioni pùbrica. A-i custu portalitu dd’eus obertu in su mesi de Idas de su 2007 gràtzias a su dinai de sa lei de su Stadu nr 482 de su 1999.

Su portalitu de sa lìngua Sarda tenit s’incàrrigu de tradusi in Sardu is àutus de s’aministratzioni (prucatotu delìberas, tzertificaus e aici nendi), arriciri s’utèntzia sardofona e finsas de oferri consulèntzia e agiudu a is impresas e a is butegas de su logu.

Custu serbìtziu abarrat obertu (po imoi) me in is diis de martis e giòbia: martis a mengianu de is otu finsas a is duas e pusti-pràngiu de is tresi finsas a is cuatru; giòbia est obertu a mengianu sceti de is otu finsas a is duas.

A s’obradori de su portalitu ddi nant Massimo Madrigale su Dotori. Po dònnia e calisisiat cosa scriri a: Questo indirizzo e-mail è protetto dallo spam bot. Abilita Javascript per vederlo. ;